| Konstitisyon Eta Florid, Tit IV, etabli Pèseptè taks county a tankou yon òganizasyon leta ki endepandan. Yo konsidere yo tankou Ofisye Konstitisyonèl. Pèseptè taks yo eli pou manda 4 ane pandan menm ane ak eleksyon prezidansyèl yo. Biwo Pèseptè taks la:
Konstitisyon Eta Florid la kreye Pèseptè taks la tankou yon òganizasyon endepandan pou li kapab pa anba enfliyans òganizasyon lokal oubyen Eta a ki gen pouvwa leve taks yo.
Biwo Pèseptè taks la pa finanse grasa lajan taks yo…se yon biwo ki baze sou chaj. Yo pral itilize chaj yo kolekte pou sèvis yo founi yo pou finanse bidjè operasyonèl la Depatman Revni Eta Florid apwouve. Volim travay ak operasyon ki gen yon bon rapò kalite-pri se poutèt revni chaj yo ki pi plis pase bidjè a. Yo voye “revni adisyonèl" sa a ba òganizasyon gouvènman lokal la, ki gen ladan county a, pwopòsyonèlman ak kantite lajan yo peye. Se pou sa òganizasyon lokal sa yo resevwa sèvis prelèvman taks a ba pri epi kominote a jwenn sèvis ki pi bon.
Pèsepte taks la se sèl ofisyèl Palm Beach County official ki gen otorite ak resous pou jere pwogram revni lokal ak pwogram revni Eta yo. Pèseptè taks la selyen vital ant sitwayen ak divès pwogram ki afekte yo. Pèseptè taks la asire ni òganizasyyon gouvènman ni sitwayen endividyèl yo trete ekitableman.
|
