Apèsi pwosesis la
Se Pèseptè taks la ki prelve taks sou pwopriyete yo. Mèt pwopriyete yo peye taks sou pwopriyete imobilyè chak ane. Montan yo takse yon pwopriyete fikse selon de eleman. Premyèrman, Estimatè byen estime valè pwopriyete a 1 janvye chak ane. taks ad valorem Estimatè byen a sètifiye lis taks ad valorem la ba Pèseptè taks la.  Konsèy Komisè County a, Konsèy lekòl, Komite lavil ansanm ak lòt òganizasyon ki prelve taks ad valorem fikse to mileaj yo pou pwopriyete ki andedan jiridiksyon yo. Taks ad valorem yo baze sou valè pwopriyete w miltipliye pa to mileaj divès otorite ki prelve taks te fikse. evalyasyon ki pa ad valorem Konsèy administrasyon lokal yo sètifiye lis estimasyon taks ba Pèseptè taks la, sètadi Ajans pou dechè solid ak distrik kontwòl dlo yo.  Evalyasyon ki pa ad valorem baze sou kou sèvis otorite k ap prelve taks yo ap founi, pa sou valè byen an.

Estimatè byen an voye Avi konsènan Taks ki pwopoze sou byen an (yo konn rele l tou Laverite nan mileaj oubyen Avi TRIM) nan mwa dawout. Avi TRIM la se pa yon fakti li ye. Klike la pou kapab wè yon echantiyon Avi TRIM. Avi TRIM yo endike:

• Estimasyon taks ou
• Egzanpsyon ou
• Otorite fiskal ki kapab prelve taks sou byen ou
• Avi sou odyans piblik
• Enfòmasyon sou kijan pou konteste valè pwopriyete w

Pèseptè taks la voye Avi taks sou pwopriyete a nan lapòs 1ye novanm konsa. Klike la pou kapab wè yon echantiyon Avi taks. Yo kapab ranmase taks sa yo soti 1ye novanm rive 31ye mas.

Seksyon 197.122, Konstitisyon Eta Florid, spesifye tout pwopriytè byen yo gen obligasyon konnen montan taks yo dwe yo epi yo dwe peye anvan dat yo konsidere yo an reta.  Sa ki vle di si yo pa resevwa yon fakti taks, sa pa vle di moun lan pa bezwen peye taks oubyen enterè adisyonèl ak chaj, ki enpoze 1ye avril lè taks yo an reta. Apre 1ye avril, y ap ajoute yon chaj enterè 3% epi y ap ajoute frè piblisite sou montan lajan ki dwe a.

Konsilte taks sou pwopriyete w epi peye anliy sou entènèt

Yo akòde diskont sou peman jan sa dekri annapre:

• 4% an novanm
  • oubyen anvan 30 jou fin pase lè yo voye avi a nan lapòs si yo pa t voye l anvan 1 novanm
• 3% an desanm
• 2% an janvye
• 1% an fevriye

Se dat ki sou so lapòs lè ou t al voye peman an ki detèmine diskont lan. Mentou, montan ki dwe sou yon peman ki ansoufrans detèmine sou baz dat yo te resevwa peman an, pa sou baz dat ki ekri sou so lapòs la.